қазақша · русский · english
 
 
 

 

Абай атындағы ҚазҰПУ Сорбонна-Қазақстан институтының Халықаралық құқық кафедрасы

 

Халықаралық құқық кафедрасы 1993 жылы құрылды, 2014 жылдан бастап қазіргі уақытта Сорбонна-Қазақстан институтының құрылымдық бөлімшесі болып табылады және қазақ, орыс және француз тілдерінде оқу қызметін жүзеге асырады. 2018 оқу жылынан бастап кафедраны ҚР ҰҒА академигі, з.ғ.д., профессор, С.Н.Сабикенов басқарады.

 

Профессорлық-оқытушылар құрамы

Кафедрада халықаралық құқық саласындағы жоғары білікті мамандар, кафедраның бағыттарымен байланысты қызметтің түрлі салаларынан практиктер, Қазақстанның белгілі ғалымдары сабақ береді. Атап айтар болсақ, 2007 жылы Оксфордта (Ұлыбритания) Сократ атындағы халықаралық марапатқа ие болған, з.ғ.д., профессор, ҚР ҰҒА академигі С.Н.Сабикенов; ҚР жас және талантты ғалымдары үшін Қазақстан Республикасы мемлекеттік стипендиясының үш мәрте лауреаты, "Жылдың үздік оқытушысы" мемлекеттік грантының иегері, Ы.Алтынсарин атындағы медальдің иегері, Ресей халықаралық құқығы қауымдастығының мүшесі (Мәскеу қ.), Дүниежүзілік халықаралық құқық қауымдастығының мүшесі (Лондон қ.), ҚР Конституциялық Кеңесінің сарапшысы, ҚР мемлекеттік ведомстволарының халықаралық шарттар бойынша сарапшысы, ҚР Президенті жанындағы Ұлттық қоғамдық сенім кеңесінің мүшесі, "Алматы-адалдық алаңы" жобалық кеңсесінің жетекшісі, з.ғ.д., профессор А.А.Сабитова; ҚР еңбек сіңірген дипломаты, профессор Исағалиев Қ.И.; Ы.Алтынсарин атындағы медальдің иегері, Ресей халықаралық құқығы қауымдастығының мүшесі (Мәскеу қ.), Қазақстан халықаралық құқығы қауымдастығының мүшесі, ф.ғ.д., профессор Сабитова Ш.А.; ҚазҰПУ-нің "Үздік ұстаз" медалінің иегері, ҚР БҒМ Құрмет грамотасының иегері, п.ғ.к. Жабелова Т. Е.; Абай атындағы ҚазҰПУ "Үздік ұстаз" медалінің иегері, ҚР БҒМ алғыс хатының иегері Ордабаева А.Б.; з.ғ.к. Хусаинов О. Б.; А.Байтұрсынов атындағы медаль иегері, п.ғ.к. Нұрғалым К.С.; әділет кеңесшісі, прокуратура органдарының ардагері Абрешева С.М.; Экс-Марсель 3 университетінің (Экс-ан-Прованс, Франция), Перпеньян университетінің (Перпеньян, Франция) түлегі Дузенова Л.А.; Ресей халықтар достығы университетінің түлегі (Мәскеу, РФ) Жумаш Г.Т. және т.б.

Халықаралық құқық кафедрасына Францияның жетекші шетелдік мамандары, басқа университеттер мен ұйымдардың практиктері тартылады. Шетелдік профессорлар ретінде шақырылады: Француз тілінен сабақ жүргізетін Халид Фатес және Этиен Баон (Франция); Кристиан Местр (Франция) - "Адам құқықтары жөніндегі Еуропалық сот","Еуропалық құқық"; Франсуа Ликари (Франция) - "Кәсіпкерлік құқық", "Құқық және әдіснамаға кіріспе"; Кристоф де Нантуа (Франция) - "Халықаралық қоғамдық құқықтың өзекті мәселелері", "Конституциялық құқық"; Паскаль Кай (Франция) - "Әкімшілік құқық: Еуропалық тәжірибе"; Патрик Долля (Франция) - "Халықаралық жария құқық"; Лоран Гроклод (Франция) - "Халықаралық қылмыстық құқық", Пьер Тифин (Франция) - "Әкімшілік құқық".

"Халықаралық құқық" ББ-на практик заңгерлерді, дипломаттарды және консулдарды тарта отырып, қонақ дәрістері өткізіледі, онда студенттер заңгерлермен практикаға бағытталған қазақстандық кейстерді талдайды.

 

Білім беру бағдарламалары:

Кафедра екі бағыт бойынша дайындықты жүзеге асырады:

Мамандық бойынша бакалаврларды:

- 6B04202-Халықаралық құқық

- 6B0402-Халықаралық құқық, қос дипломды бағдарлама (Лотарингия, Франция)

Мамандық бойынша магистрлерді:

- 7M04202-Халықаралық құқық (ғылыми-педагогикалық бағыт)

- 7M04202-Халықаралық құқық (бейінді бағыт)

- 7M04202-Фискалдық құқық және халықаралық құқық (ғылыми-педагогикалық бағыт).

 

Білім беру бағдарламасының артықшылықтары

Кафедра бакалавриат бағдарламасы бойынша Лотарингия университетімен (Франция) халықаралық және еуропалық құқық саласындағы қос дипломды бағдарлама бойынша жоғары білім алуға кең мүмкіндіктер береді, ол ең жоғары рейтингтегі жоғары оқу орындарының қатарына кіреді. Сондай-ақ, бакалавриаттың білім беру бағдарламалары шеңберінде бірнеше модульдерді француз тілінде француз оқытушылары жүргізеді.

Кафедра үш шет тілін (екі батыс, студенттің таңдауы бойынша бір шығыс) білетін жоғары білікті халықаралық заңгерлерді дайындайды.

Сондай-ақ Абай атындағы ҚазҰПУ әскери кафедрасында оқуға мүмкіндік бар.

1 курс студенттері үшін жатақханада тұру мүмкіндігі ұсынылады.

Мамандарды даярлау үшін жақсы материалдық-техникалық база бар: лингафондық және мультимедиялық кабинеттер, компьютерлік сыныптар, Интернет, қашықтықтан оқыту қолданылады.

 

Түлектердің кәсіби қызмет саласы:

Біздің түлектеріміз келесі лауазымдарда қызмет атқара алады: сыртқы қатынастар органдарының қызметкері: дипломатиялық және консулдық қатынастар саласындағы жұмыс; құқық қорғау органдары мен ҚР Ұлттық қауіпсіздік органдары жүйесіндегі қызметкер; прокуратура органдары мен соттарда; заңгер-сарапшы; халықаралық құқық саласындағы кеңесші (министрліктерде, халықаралық ұйымдардың өкілдіктерінде); заң кеңесшісі; адвокат, жергілікті мемлекеттік басқару органдары аппаратындағы, сондай-ақ мемлекеттік қызмет органдарындағы маман, заңгер және т. б.

 

 

21