«Тест құрастырудың әдістемесі» семинары: Инновациялық тәсілдер мен практикалық ұсыныстар

2025 жылдың 7 ақпанында Абай атындағы ҚазҰПУ Foundation факультеті кафедрасының жоспары аясында «Тест құрастырудың әдістемесі» атты семинар өтті.

Семинар барысында ҰБТ-ға дейінгі дайындық бөлімінің тыңдаушылары мен шетел азаматтарына арналған тест даярлығын құрастырудың заманауи әдістері, тест тапсырмаларының әртүрлі түрлері және олардың құрылымы жан-жақты талқыланды. Қатысушылар тест құрастырудың сенімділігін арттыру, тапсырмалардың сапасын жоғарылату және бағалау үдерісін жетілдіру жолдары туралы практикалық ұсыныстар мен ғылыми әдістемелерді меңгерді.

Семинардың негізгі спикері ретінде тест орталығының басшысы Алмагүл Смағұлова сөз сөйледі. Ол өз тәжірибесі мен кәсіби білімін бөлісіп, аудиторияға тест құрастырудың әдіснамалық негіздері мен заманауи технологияларын егжей-тегжейлі таныстырды. Семинар Foundation факультетінің оқытушыларына арналған білім беру сапасын арттыруға бағытталған инновациялық тәсілдерді енгізуде зор маңызға ие болды деп сенеміз.