«Қызғалдақсың қырдағы қазақ қызы»: Foundation факультетінің мерекелік шарасы

2025 жылдың 7 наурызында Foundation факультетінің Шетел азаматтарына арналған және ЖОО дейінгі дайындық бөлімі «Қызғалдықсың қырдағы қазақ қызы» атты тақырыпта мерекелік шара өткізді.

Мереке 8 наурыз - Халықаралық әйелдер күніне орай, қазақ қызының қоғамдағы маңыздылығын атап өту мақсатында ұйымдастырылды. Талапкерлер мен ұстаздар қазақтың салт-дәстүрлері мен ұлттық құндылықтарына негізделген арнайы бағдарламаға куә болып, ерекше әсер алды. Шара барысында студенттер мен оқытушылар сахналық қойылымдар, әндер мен билер арқылы қазақ халқының мәдениетіне деген құрметін білдірді.

Кештің соңы арнайы марапаттау рәсімімен аяқталды. Foundation факультетінің деканы Айсұлу Хайрулдаева талапкерлердің белсенділігін жоғары бағалап, оларды арнайы алғыс хаттармен марапаттады. Шара жастардың қазақ мәдениеті мен ұлттық құндылықтарын сақтауға деген қызығушылығын арттырды.