ҚазҰПУ Моңғолиядағы «Қазақстандық білім беру күндері» кәсіби бағдар беру көрмесіне қатысты

2025 жылғы 27-28 наурызда Абай атындағы Қазақ ұлттық педагогикалық университетінің өкілдері Моңғолияның Баян-Өлгей аймағының орталығы Өлгей қаласында ұйымдастырылған «Қазақстандық білім беру күндері» кәсіби бағдар беру көрмесіне қатысты.  

Моңғолия мемлекетінде тұратын этникалық қазақ жастарын оқуға шақыру мақсатында ұйымдастырылған білім көрмесіне Абай атындағы ҚазҰПУ-дың Foundation факультеті де қатысып, көрме барысында факультет деканы Айсұлу Матқасымқызы  түлектер мен ата-аналарға ҚазҰПУ-дың білім беру бағдарламалары, халықаралық мүмкіндіктері мен тәжірибеге бағытталған оқыту жүйесі туралы толық ақпарат ұсынды. 

Қазақстанда білім алуға ниетті талапкерлерге есігіміз әрдайым ашық!