Foundation факультетінің білімгерлері Орталық музейге экскурсия жасады

2025 жылдың 3 сәуірінде Шетел азаматтарына және жоғары оқу орнына дейінгі даярлыққа арналған Foundation факультетінің физика-математика және информатика бөлімінің студенттері Орталық музейге экскурсия жасады.

Бұл мәдени шара білім алушыларға Қазақстанның бай тарихы мен мәдени мұрасын тереңірек танып-білуге мүмкіндік берді. Олар ежелгі артефактілермен, тарихи жәдігерлермен танысып, қазақ халқының мәдени құндылықтары туралы қызықты мағлұмат алды.

Экскурсия студенттердің тарихи танымын кеңейтіп қана қоймай, олардың жаңа ортаға бейімделуіне де оң ықпал етті. Осындай іс-шаралар шетелдік білімгерлердің Қазақстан мәдениетіне деген қызығушылығын арттырып, оқу процесін одан әрі қызықты етеді.

Foundation факультеті