«Стиль және оның түрлері» тақырыбында ашық сабақ өтті

2025 жылғы 16 мамырда Foundation кафедрасының аға оқытушысы Каримова Гүлім Сарсемхановна оқу сауаттылығы пәні бойынша география және математика бағыты бойынша білім алып жатқан тыңдаушыларға арналған «Стиль және оның түрлері» тақырыбында ашық сабақ өткізді.

Сабақтың негізгі мақсаты - стиль туралы түсінік қалыптастыру, стиль түрлерін ажыратып, олардың қолданылу ерекшеліктерін меңгерту болды. Оқытушы сабақты жүйелі түрде ұйымдастырып, түрлі әдіс-тәсілдер арқылы тыңдаушылардың қызығушылығын арттыра білді. Тыңдаушылар ғылыми, ресми, публицистикалық, көркем және ауызекі сөйлеу стильдерінің ерекшеліктерін талдап, мысалдар арқылы оларды өзара салыстырды.

Сабақ барысында тыңдаушылардың танымдық белсенділігі жоғары деңгейде көрінді. Топтық жұмыстар, интерактивті тапсырмалар мен пікір алмасулар сабақ мазмұнын байытып, қатысушылардың практикалық дағдыларын дамытуға мүмкіндік берді.

Ашық сабақ жоғары деңгейде ұйымдастырылып, тыңдаушылар тарапынан жоғары бағасын алды