Абай атындағы ҚазҰПУ Ректорының кубогы үшін республикалық пікірсайыс турнирі өтеді

2022 жылдың 29 - 31 қазан күндері Ұлттық мереке Республика күніне орай Абай атындағы Қазақ ұлттық педагогикалық университетінің Басқарма төрағасы-ректоры кубогына арналған республикалық пікірсайыс турнирін өткізуді жоспарлауда.

«Жаңа Қазақстан: жаңа кезең, жаңа бағыт» тақырыбындағы студенттер арасында республикалық пікірсайыс турнирінің мақсаты - ұлттық мерекені өскелең ұрпақ арасында кеңінен насихаттау, мемлекеттік жастар саясатын іске асыру, жастардың интеллектуалдық әлеуетін арттыру, пікірсайыс қозғалысының дамуына үлес қосу.

Өткізілетін күні: 29-31 қазан 2022 жыл.

Уақыты: ашылу салтанаты - 29 қазан күні сағат 12:00.

Жабылу салтанаты - 31 қазан күні сағат 15:00.

Өткізілетін орны: Абай атындағы Қазақ ұлттық педагогикалық университеті Математика, физика және информатика институтының АКТ залы (Төле би, 86, Сейфуллин даңғылының қиылысы)

Байланыс телефондары: 87075115284 - Сеитов Рашид, 87079635158 - Тәуекел Ақнұр