Мәтінді жүйелі талдай білуге дағдыландыру жолдары

2025 жылдың 20 ақпанында Алматы қаласындағы Ы. Алтынсарин атындағы №159 гимназияда жұмыс тобының жетекшісі, п.ғ.д., профессор Ж.Қ.Балтабаеваның ұйымдастыруымен Қазақ тілі теориясы және оқыту әдістемесі кафедрасы филиалының кезекті семинары болды.

Семинарда жұмыс тобының мүшесі, ф.ғ.к., доцент Г.М.Раева «Мәтін талдаудың ерекшеліктері» тақырыбында баяндама жасап, мәтін талдау арқылы білім алушыларда қалыптастырылатын дағдылардың түрлерін нақты мысалдар арқылы баяндады.

Кафедра меңгерушісі, ф.ғ.д., доцент Н.Ә.Ильясова оқушылардың оқу сауаттылығын жетілдірудегі мәтіннің рөлі жайында ойын ортаға салды.

Сондай-ақ семинарда педагог-шебер Бейсекина Азигуль Нугмановна 8-сыныпта мәтін талдауға қатысты өз тәжірибесімен бөлісті.

Семинарға қатысушы мұғалімдер талқыланған тақырыптың пайдалы болғандығын, айтылған әдістерді сабақ үдерісінде пайдаланатындықтарын атап өтті.