қазақша · русский · english
 
 
 
 Ильясова Нағима Әбзелбекқызы
Кафедра меңгерушісі
Филология ғылымдарының докторы, профессор
Достық даңғылы,13
 8-747-236-75-37
kafedra20@list.ru

 

Академик С.Қирабаев атындағы қазақ тілі мен әдебиеті кафедрасы дәстүрді сақтай отырып, жаңаша жұмыс жасауда

 

Абай атындағы ҚазҰПУ Филология және көптілді білім беру инcтитутының академик С.Қирабаев атындағы қазақ тілі мен әдебиеті кафедрасы - «Қазақ тілі мен әдебиеті», «Қазақ тілінде оқытпайтын мектептердегі қазақ тілі мен әдебиеті», «Әдебиеттану», «Филология», «Түркітану» білім беру бағдарламалары бойынша бакалавриат, магистратура және докторантура деңгейінде кәсіби маман даярлайтын іргелі кафедра.

 

2020/2021 оқу жылында кафедра мамандықтары бойынша 769 бакалавр, 85 магистрант, 36 докторант білім алуда. Барлығы - 890 адам.

 

Кафедраның тарихы 1928 жылы университеттің «Қазақ мемлекеттік университеті» болып ашылған кезеңінен бастау алады. А.Байтұрсынұлы (1928-1929 жж.) мен Қ.Жұбанов (1932-1937 жж.) басқарған «Лингвистика-педагогика бөлімі» 1937 жылы қазақ тілі мен әдебиетін оқыту мәселесімен айналысатын жеке кафедраларға бөлінді.

 

Кафедра қазақ тілі мен әдебиеті ғылымы мен білімінің дамуына өлшеусіз үлес қосты. Нәтижесінде көптеген мемлекет және қоғам қайраткерлері, атақты ақын-жазушылар, әдебиетші, тілші ғалымдар шықты.

 

2018-2019 оқу жылында қазақ тілі теориясы мен әдістемесі, Серік Қирабаев атындағы қазақ әдебиеті және практикалык тілдер кафедралары біріктіріліп, С.Қирабаев атындағы қазақ тілі мен әдебиеті кафедрасы құрылды.

 

Кафедраның профессор-оқытушылар құрамы университеттің даму стратегиясына сай еңбек етуде. Ұлы Абайдың «Толық адам» концепциясы бойынша онлайн курстар, тәрбие жұмыстары жүргізіледі.

 

Қазақ тілі мен әдебиетін оқыту бойынша шағын комплектілі мектептер мен инклюзивті білім беруге арналаған оқулықтар мен оқу-әдістемелік құралдар дайындалып, жаңартылған білім мазмұны бағдарламасы, функционалдық сауаттылық, қазіргі заманғы педагогикалық парадигмалар аясында біліктілікті көтеру курстары ұйымдастырылды.

 

Кафедра оқытушылары - ҚР БжҒМ бекіткен жалпы білім беретін орта мектептер мен арнаулы орта, жоғары оқу орындарына арналған білім стандарттарының, типтік оқу бағдарламалары мен оқулықтардың, оқу құралдарының авторлары.

 

Кафедра жанында «Сөзтаным» ғылыми-танымдық клубы, «Тіл - таным» ғылыми үйірмесі, «Ұмай» мәдени-танымдық клубы, «Filard» жастар өнер театры, Сәкен Сейфуллин атындағы әдеби шығармашылық өнер бірлестігі, Қажым Жұмалиев атындағы ғылыми үйірме жұмыс жасайды.

 

Кафедра халықаралық байланыста Түркия Республикасының Фырат университеті, Стамбул университеті, Мармара университеті, Еге университеті, Қыршекер университетімен, Қытай Халық Республикасының Бейжін ұлттық орталық университетімен, Қырғызстан Республикасының Қырғыз-Түрік Манас университетімен, Өзбекстан Республикасының Шыршық мемлекеттік педагогикалық институтымен, Корей Республикасының Хангук университетімен, Польша Республикасының А.Мицкеевич атындағы Познань университетімен тығыз қарым-қатынас орнатқан.

 

Академик С.Қирабаев атындағы қазақ тілі мен әдебиеті кафедрасының ұжымы А.Байтұрсынұлынан бастау алған ұлы жолды жалғастырып, Қазақ ғылымы мен білімінің дамуы жолында аянбай еңбек етеді.

 

Бүгінгі таңда кафедра ұжымы аға буын негізін қалаған ғылыми, оқу-әдістемелік жұмыстарды абыроймен жалғастырып келеді. Қазіргі кезде кафедра құрамында 13 профессор, 14 ғылым докторы, 15 доцент, 23 ғылым кандидаты, 3 PhD мен білікті аға оқытушылар қызмет етеді.

 

Кафедра тарихы

 

8479