Басты / Институттар / Филология институты  / Кафедралар / Академик С.С.Қирабаев атындағы қазақ тілі мен әдебиеті кафедрасы / Халықаралық қызмет

6B011700 - «Қазақ тілі мен әдебиеті» мамандығы бойынша шетелдік ғылыми тағылымдамадан өткен докторанттар туралы мәлімет

2018 - 2019 оқу жылында халықаралық байланыс және академиялық ұтқырлық бағдарламасы бойынша орындалған жұмыстар

1.Университетің 90 жылдығына арнайы және докторантардың ғылыми кеңесшісі ретінде келген ғалымдардың тізімі (2-9.10. 2018 )

2.Шамғали Сарыбаевтың 125 жылдығына арналған халықаралық конференцияға және докторантардың ғылыми кеңесшісі ретінде келген ғалымдардың тізімі (23-30. 10.2018 )

3.ҚР Білім және ғылым министрлігінің бұйрығымен дәріс оқуға келген ғалым

4.Эрасмус + бағдарламасы бойынша дәріс оқыған шетелдік ғалым

5.Қанекей Жармағанбетовтің 100 жылдығына арналған халықаралық конференция мен докторантардың ғылыми кеңесшісі ретінде келетін ғалымдардың тізімі (25.11-02.12. 2018)

6. Шетелдік университеттерге Эрасмус + және Мевлана бағдарламасы бойынша дәріс оқуға барған ғалымдар

7.Магистранттардың шетелге ғылыми тағлымдама бойынша баруы туралы мәлімет

Фиология және көп тілді білім беру институтының С.Қирабаев атындағы қазақ тілі мен әдебиеті кафедрасының халықаралық байланыстары

1. Филология және көптілді білім беру институтының академик С.Қирабаев атындағы қазақ тілі мен әдебиеті кафедрасының халықаралық қатынастар саласындағы 2019-2020 оқу жылына жоспарланған жұмысы өте қарқынды және жемісті болды.

2019 жылы 9 қыркүйек -9 қазан аралығында Түркияның Фырат университетінің профессоры, филология ғылымдарының докторы Ахмет Буран Филология және көп тілді білім беру институтының студенттері мен магистранттарына «Тарихи жазбалар» тақырыбында дәріс оқыды. Дәрістің мақсаты - түркі халықтарының бәріне ортақ тарихи жазбалардың тілін талдау, дыбыстық өзгешеліктеріне ғылыми түсініктеме беру болды.

2. 2019 жылы 18-27 қараша аралығында Түркияның Түрік тілдер құрылымының басшысы, Еге университетінің профессоры Гүрер Гүлсевин Филология және көп тілді білім беру институтына профессор Гүлбану Қосымованың шақыруымен келіп, студенттер мен магистранттарға «Жаһандану дәуіріндегі түркі тілдердің жайы және қолданылу орындары» тақырыбында дәріс оқыды. Дәріске «Шығыстану және түркітану» мамандығының студенттері мен «Қазақ тілі мен әдебиеті» мамандығының магистранттары қатысты. Дәрістің мақсаты - түркі тілдерінің бәріне ортақ мұраларға талдау жасау, түркі халықтары мәдениетінің әлем мәдениетінде алатын орнын түсіндіру болды. Гүрер Гүлсевин 22 қарашада өткен академик Рабиға Сыздықтың 95 жылдығына арналған «Рәбиға Сыздық феномені: қазақ тіл білімінің бүгіні мен болашағы» тақырыбындағы халықаралық ғылыми- теориялық конференцияға қатысып, «Р.Сыздықтың «Сөздер сөйлейді» кітабындағы сөздерге түрік тілінен қосымша дәлелдемелер» тақырыбында баяндама жасады.

3. 2019 жылы 21-27 қараша аралығында Филология және көп тілді білім беру институтына профессор Гүлбану Қосымованың шақыруымен Түркияның Қыршекер Ахи Эвран университетінің Түрік тілі және әдебиеті бөлімінің деканы профессор Надир Илһан 2 докторантына кеңес беруге шақырылды. Надир Илһан да студенттер мен магистранттарға семинар өткізіп, сұрақтарына жауап берді, оларды академиялық ұтқырлық бағдарламасы бойынша білім алуға шақырды. Надир Илһан 22 қарашада өткен академик Рабиға Сыздықтың 95 жылдығына арналған «Рәбиға Сыздық феномені: қазақ тіл білімінің бүгіні мен болашағы» тақырыбындағы халықаралық ғылыми- теориялық конференцияға қатысып, «Түркі халықтарының ортақ тіл мұрасы, аталар сөзі» тақырыбында баяндама жасады.

4. Абай атындағы Қазақ ұлттық педагогикалық университеті мен Түркияның Еге университеті, Юлдыз техникалық университетімен арасында ынтымақтастық келісімшарты жасалды. Еге университетінің профессорлары Фикрет Түркмен, Мұстафа Өнер және Гүрер Гүлсевин Филология және көп тілді білім беру институты академик Серік Қирабаев атындағы кафедраның докторанттарының ғылыми кеңесшілері болып саналады.

5. Түркияның Фырат университетінің профессорлары Ахмет Буран мен Ержан Алкаяның, Абай атындағы Қазақ ұлттық педагогикалық университетінің профессорлары Г.Қосымова, Б.Қасым және аға оқытушы Р.Бақбергенованың қатысуымен Түркияда «Түркі дүниесі түркологтары» энциклопедиясы шығарылды. Энциклопедияға барлық түркі халықтарының, соның ішінде Қазақстанның көрнекті түркологтарының еңбектері енгізілді.

Ғылыми тағылымдама

Академик С.Қирабаев атындағы қазақ тілі мен әдебиеті кафедрасында «6М011700- Қазақ тілі мен әдебиеті» және «6М012100 - Қазақ тілінде оқытпайтын мектептердегі қазақ тілі мен әдебиеті» мамандықтарының 2 курс магистранттары Польшаның А. Мицкевич университеті (Познань қ.) және Поморский университеттерінде (Слупск қ.) өткен ғылыми тағылымдамалары бойынша есеп берді. Магистранттар университеттің бай кітапханаларын пайдаланып, «Қазақстандағы тіл, мәдениет және қоғам» тақырыбындағы халықаралық конференцияға, профессор-оқытушылардың дәрістеріне қатысқан.

Есеп беруде Польшаның мәдениеті, халқы, өмір-сүру салтымен танысып, танымдары артқаны айтылды. Магистранттар ғылыми-зерттеу жұмыстарына қажетті материалдар жинақтағанын баяндады. Сонымен қатар білім алушылардың ғылыми тәжірибе жинақтау үрдісін мәдени іс-шаралармен ұштастырғаны да байқалды.

Түркиядағы ғылыми тағылымдама

Абай атындағы Қазақ Ұлттық педагогикалық университетінің «6М021200-Түркітану», «6М011700 -Қазақ тілі мен әдебиеті» мамандықтары бойынша білім алатын магистранттар Фырат университетінде (Түркия) ғылыми тағылымдамадан өтуін жалғастыруда.

2018 жылдың 26 қараша -7 желтоқсан аралығында білім алушылар Фырат университеті профессорларының дәрістерін тыңдап, түркі халықтарының тілі мен әдебиеті, тарихы мен мәдениетімен етене танысып, өз білімдерін жетілдіруде. Магистранттарымыздың шет елде ғылыми тағылымдамаға баруы болашақта ұлтаралық қарым-қатынасты нығайтып қана қоймай, түркітану ғылымының дамуына өз үлестерін қосатын жас ғалымдарды тәрбиелеуге, оларды ғылыми ізденістерге бағыттауға септігін тигізері анық. Осы орайда, Абай атындағы ҚазҰПУ Фырат университетінің әкімшілігіне шетелдік ғылыми тағылымдамаларды ұйымдастыру және өткізу үшін үлкен алғысын білдіреді.

ҚазҰПУ-дың 90-жылдығын тойлауға шетелден ғалымдар шақырылды

2018 жылдың 2-9 қазан аралығында Абай атындағы ҚазҰПУ-дың 90 жылдық мерей тойына профессор Г. Қосымованың ұйымдастыруымен шетелден алты ғалым келіп қатысты.

Солардың ішінде арнайы шақырылған қонақ -Анкара қаласындағы Жаңа Түркия зерттеу орталығының басшысы, ф.ғ.д., профессор Білгехан Атсыз. Докторанттардың кеңесшілері ретінде шақырылған қонақтар - Анкара қаласынан Түрік тілі қоғамының басшысы, ф.ғ.д., профессор Гүрер Гүлсевин; Измир қаласынан Еге университетінің профессоры, ф.ғ.д. Фикрет Түркмен; Фырат университетінің профессоры, ф.ғ.докторы Ахмет Буран; Анкара қаласынан Гази университетінің профессоры, ф.ғ.докторы Хулия Касапоғлы Ченгел; Польша Познань университетінің профессоры, доктор PhD Гүлайхан Ақтай.

Шамғали Сарыбаевтың 125 жылдығына

2018 жылдың 27 қазанында Шамғали Сарыбаевтың 125 жылдығына арналған халықаралық конференция өтті.

23-30 қазан аралығында шетелден докторанттарымыздың ғылыми кеңесшілері: Стамбул университетінің профессоры, ф.ғ. докторы Мехмет Өлмез; Мұғла Сытқы Кочман университетінің доценті, доктор PhD Екрем Аян және Фырат университетінің профессоры, ф.ғ.докторы Ержан Алкая келіп қатысты. Олар конференцияда қызықты тақырыптарда баяндама жасады. Мехмет Өлмез университеттің 90 жылдығына арналған мерекелік медалімен марапатталды. Профессор Г. Қосымованың ұйымдастыруымен ғалымдар мен докторанттар Тамғалы тасқа саяхат жасады.

«Көне түркі тілі» және «Қыпшақ тілдерінің тарихы»

Кафедраның халықаралық байланыстар жұмысына жауапты Г. Қосымованың ұйымдастыруымен ҚР Білім және ғылым министрлігінің бұйрығына сәйкес Фырат университетінің профессоры, ф.ғ.докторы Ержан Алкая 22.10.-20.11.2018 аралығында магистранттар мен докторанттарға дәріс оқыды.

«Көне түркі тілі» және «Қыпшақ тілдерінің тарихы» тақырыптарында оқыған дәрістері білім алушылар үшін өте пайдалы әрі қызықты болды.

Әдебиеттанушы Қанекей Жармағанбетовті еске алу

2018 жылдың 28 қарашасында өткізілетін Қанекей Жармағанбетовтің 100 жылдығына арналған халықаралық конференцияға 25.11-02.12.2018 уақыт аралығында (профессор Гүлбану Қосымованың шақыруымен) докторантардың шетелдік ғылыми кеңесшілері - Мұғла Сытқы Кочман университетінің доценті, доктор PhD Кенан Коч; Стамбул қаласындағы Йылдуз техникалық университетінің профессоры, филология ғалымдарының докторы Зухал Өлмез және Мұғла Сытқы Кочман университетінің профессоры, доктор PhD Мехмет Наджип Онал қатысады. Бұл ғалымдар түркі-қазақ мәдени байланыстары жөнінде баяндамалар жасайды.

3660