«Қазақ жазу тарихының өзекті проблемалары» көшбасшылық дәрісі

2025 жылдың 28 наурызында Абай атындағы ҚазҰПУ қазақ тілінің теориясы мен әдістемесі кафедрасының профессоры, ф.ғ.д. Қаламқас Қалыбаеваның «Қазақ жазу тарихының өзекті проблемалары» тақырыбындағы көшбасшылық дәрісі өтті. Дәріске аталған кафедраның профессор-оқытушылар құрамы, магистранттар мен докторанттар қатысты.

Дәрістің мақсаты мен міндеті - қазақ жазу теориясының даму ерекшеліктері жайлы ғылыми ізденістермен, Ахмет Байтұрысынұлының жазу теориясына жаңаша көзқарас, пайым және таным мәселелері жайлы ой бөлісу. Көшбасшылық дәріс ф.ғ.д. Қаламқас Қалыбаеваның соңғы кезде зерттеп жүрген қазақ жазуының проблемаларына арналды. 

Дәріс барысында «Қазақ жазу тарихындағы Ахмет Байтұрсынұлының ролі», «1930-40 жылдардағы жазу теориясының ерекшеліктеріне жаңа көзқарас», «Латын жазуынан бас тартудың саяси және әлеуметтік астары», «Кирилл жазуына көшудің тарихи көмескі тұстары» сынды тақырыптарға ерекше назар аударылды. 

Дәріс соңында кафедра меңгерушісі Нағима Ильясова маңызды ойларымен бөлісті. Нағима Ильясова бұл тақырып қазақ тіл білімінің бүгіні мен келешегі үшін өте маңызды екенін жеткізіп, лекторға өз алғысын білдірді.