Ахмет Байтұрсынұлының "Тірі білім" ілімі – тілді оқытудың концептуалдық негізі» тақырыбында халықаралық ғылыми семинар есебі

2025 жылдың 10 сәуірінде Абай атындағы Қазақ ұлттық педагогикалық университетінің Филология факультетінде «Ахмет Байтұрсынұлының "Тірі білім" ілімі - тілді оқытудың концептуалдық негізі» тақырыбында халықаралық ғылыми семинар өтті.

Іс-шараны факультет деканы, филология ғылымдарының докторы, профессор Таңжарықова Алуа Василиқызы ашты. Ғылыми семинар педагогика ғылымдарының докторы, профессор Рахметова Райгүл Сәдуақасқызының ұйымдастыруымен өткізілді.

Семинардың лекторы - Қазақстан-Британ университетінің профессоры, педагогика ғылымдарының докторы Дәулетбекова Жанат Тұрарбекқызы. Ғалым семинар барысында Ахмет Байтұрсынұлының тіл біліміндегі тұжырымдамалары мен «тірі білім» ілімінің заманауи оқыту жүйесіндегі рөлі туралы мазмұнды баяндама жасап, тыңдаушыларға терең ғылыми көзқарас ұсынды.

Семинар жұмысына Абай университетінің профессор-оқытушылары, студенттері, Өзбекстан Республикасының Шыршық мемлекеттік педагогикалық университетінен келген қонақтар қатысты. Атап айтқанда:

Саидов Улмас Рахматович - Шыршық мемлекеттік педагогикалық университеті Өзбек тіл білімі кафедрасының меңгерушісі (PhD),
Хайтметов Раимберди Кудратиллаевич - Шыршық мемлекеттік педагогикалық университеті, Гуманитар пәндер факультеті, оқу жұмыстары бойынша декан орынбасары,
Дуйсабаева Дилбар Ускановна - Шыршық мемлекеттік педагогикалық университеті, Өзбек тіл білімі кафедрасының аға оқытушысы.

Бұл шара халықаралық ғылыми байланысты нығайтуға, тәжірибе алмасуға үлкен мүмкіндік берді. Жанат Тұрарбекқызы Дәулетбекова - терең білімді, ғылыми әлеуеті жоғары, жан-жақты, тәжірибелі ұстаз. Оның баяндамасы қатысушылар тарапынан үлкен қызығушылық тудырып, пікір алмасуға, ғылыми ой толғауға жол ашты.

Аталған халықаралық ғылыми семинар жас зерттеушілер мен болашақ педагогтардың ғылыми дүниетанымын кеңейтіп, Ахмет Байтұрсынұлы мұрасын заманауи оқыту үдерісімен байланыстыруда маңызды академиялық алаң болды.