«Ғылыми зерттеулерде SPSS бағдарламасын қолдану: деректерді өңдеу және нәтижелерді интерпретациялау әдістері» ғылыми-әдістемелік семинары

2025 жылдың 9 сәуірінде қазақ тілі теориясы және оқыту әдістемесі кафедрасында «Ғылыми зерттеулерде SPSS бағдарламасын қолдану: деректерді өңдеу және нәтижелерді интерпретациялау әдістері» тақырыбында ғылыми-әдістемелік семинар өтті.

Семинар спикері - лингвистика мамандығы бойынша 2-курс докторанты Рысқұлова Айнагүл Дүйсенбекқызы. Ол өз баяндамасында SPSS бағдарламалық жасақтамасының ғылыми-зерттеу жұмыстарындағы, әсіресе тіл біліміндегі қолданбалы маңызын кеңінен ашып көрсетті. Қатысушыларға деректерді кодтау, статистикалық алдын ала өңдеу, кестелер мен диаграммалар арқылы визуализация жасау, сондай-ақ корреляциялық, факторлық және кластерлік талдау жүргізудің әдіс-тәсілдері жан-жақты түсіндірілді.

Семинарға профессор-оқытушылар құрамы, магистранттар мен жас зерттеушілер қатысты. Іс-шара ғылыми пікір алмасуға, практикалық сұрақтар қоюға және SPSS негізінде алынған нәтижелерді ғылыми жұмыстарға енгізу жолдарын талқылауға мүмкіндік берді.