Әбділда Тәжібаевтың 110 жылдығына орай

25 ақпанда Қазақстанның халық жазушысы, Қазақстан Республикасы Мемлекеттік сыйлығының лауреаты, көрнекті ақын, ғалым Әбділда Тәжібаевтың туғанына 110 жыл толуына арналған әдеби-танымдық кеш өткізілді.

Әдеби-танымдық кеште Абай атындағы Қазақ ұлттық педагогикалық университетінің Сәкен Сейфуллин атындағы әдеби шығармашылық өнер бірлестігінің жетекшісі-кеңесшісі, филология ғылымдарының докторы, профессор Темірхан Тебегенов «Әбділда Тәжібаев - Ұлы Даланың көрнекті шығармашылық тұлғасы» тақырыбында баяндама жасады.

Студенттер Әбділда Тәжібаев поэзиясының көркем-мәнерлеп оқу қойылымы бойынша жырлар оқыды. Ақын өлеңдеріне шығарылған әндері орындалды. «Әбділда - қазақ әдебиетінің саңлақ ақыны» деректі бейнекөрілім көрсетілді.

Әдеби кеште Оразалы Досбосынов атындағы жас айтыскер ақындар орталығының директоры Бауыржан Айткаримов көрнекті ақындар дәстүрін жалғастырған қазіргі жастар шығармашылығы туралы сөз сөйледі.