Мемлекеттік педагогикалық және өндірістік практикасының қорытынды есебі

2019 жылдың 2 сәуірінде Филология және көптілді білім беру институтының бітіруші түлектерінің мемлекеттік педагогикалық және өндірістік практикасының қорытынды коференциясы өтті. Конференцияны институт бойынша педагогикалық практиканың жетекшісі п.ғ.к., ассоц.профессор Айтжамал Рауандина жүргізіп, есеп берді.

Конференцияға институт директоры ф.ғ.д., профессор Балтабай Әбдіғазиұлы, академик С.Қирабаев атындағы қазақ тілі мен әдебиеті кафедрасының меңгерушісі, ф.ғ.д., профессор Қалбике Есенова, ф.ғ.д., профессор Темірхан Тебегенов, п.ғ.д., профессор Төкен Жұмажанова және кафедраның әдіскер-оқытушылары қатысты.

Педагогикалық және өндірістік іс-тәжірибе Алматы қаласының 16 мектебінде, А.Байтұрсынов атындағы тіл білімі, М.Әуезов атындағы әдебиет институты, АйСаф жеке қыздар мектебі, Шет тілдері педагогикалық колледжі, Халықаралық қазақ-қытай тілі колледжі, Мысырдың мәдениет пен білім ісі жөніндегі орталығында жүргізілді. Еңбекпен қамту бағдарламасы бойынша 27 студент Алматы, Қарағанды, Көкшетау, Маңғыстау облыстарында тәжірибеден өтті.

Қорытынды конференцияда «5В011700-Қазақ тілі мен әдебиеті», «5В012100-Қазақ тілінде оқытпайтын мектептердегі қазақ тілі мен әдебиеті», «5В011800-Орыс тілі мен әдебиеті», «5В012200 - Орыс тілінде оқытпайтын мектептердегі орыс тілі мен әдебиеті», «5В020500-Филология», «5В011900-Шетел тілі: екі шет тілі» мамандықтарының студенттері есеп берді.