Академик Рәбиға Сыздық оқулары

2019 жылдың 25 қазанында Абай атындағы Қазақ ұлттық педагогикалық университеті Академик С.Қирабаев атындағы Қазақ тілі мен әдебиеті кафедрасында студенттермен белгілі тілші-ғалым, түркітанушы, Қазақстан Республикасы Ұлттық ғылым академиясының академигі, филология ғылымдарының докторы, профессор Рәбиға Сәтіғалиқызы Сыздықтың туғанына 95 жыл толуына орай «Академик Рәбиға Сыздық оқулары» атты ғылыми-теориялық және практикалық оқулар өткізілді. Оған Филология және көптілді білім беру институтының студенттері мен магистранттары белсене қатысып, әр алуан тақырыпта қызықты баяндамалар жасап, академик С.Қирабаев атындағы Қазақ тілі мен әдебиеті кафедрасының профессор-оқытушылар құрамының сараптамасынан өтіп, ғылыми біліктіліктері мен өзіндік әлеуеттерін көрсетті.