Ғылым апталығы аясындағы шетелдік ғалымдардың дәрістері

2025 жылғы 1-4 сәуір аралығында Абай атындағы Қазақ ұлттық педагогикалық университетінде Ғылым апталығы аясында шетелдік ғалымдардың қатысуымен дәрістер өтті. Іс-шараға физика-математика ғылымдарының докторы, Ташкент мемлекеттік көлік университеті мен Мирзо Ұлықбек атындағы Өзбекстан ұлттық университетінің профессоры Артыкбаев Абдуллазиз, Әбу Райхан Бируни атындағы Ургенч мемлекеттік университетінің PhD, доценті Султанов Бекзод, сондай-ақ Ташкент мемлекеттік көлік университетінің PhD, доценті Исмаилов Шерзодбек қатысты.

Дәрістер математика бағытындағы бітіруші курс студенттеріне, магистранттарға, докторанттарға және жас ғалымдарға арналған. Спикерлер өз баяндамаларында келесі өзекті ғылыми мәселелерді қарастырды:

· изотроптық кеңістіктегі қос беттер,

· жартылай эвклидтік кеңістіктердегі геометрия,

· Галилейдің үшөлшемді кеңістігіндегі минималды және сызықтық беттер.

Қатысушылар геометрия және математикалық модельдеу салаларындағы заманауи зерттеу бағыттарымен танысып, шетелдік ғалымдарға сұрақтар қоюға және ғылыми ынтымақтастықтың болашағын талқылауға мүмкіндік алды.