Физика кафедрасы студенттерінің дипломдық жұмыстарын қорғау

2020 жылдың 8 маусымында Математика, физика және информатика институтының физика кафедрасында «5В011000-Физика» мамандығы бойынша 4 курс студенттерінің дипломдық жұмыстары Meet арқылы онлайн режимінде қорғалды. Іс - шараға комиссия төрағасы Махатма Ганди атындағы № 92 мектеп-лицейінің директоры - Е. Е. Жиенбаев, кафедра меңгерушісі Владимир Косов, сонымен қатар комиссия мүшелері және студенттердің ғылыми жетекшілері қатысты.

Түлектер жүргізілген зерттеулердің нәтижелері туралы баяндама жасады.

Іс - шара барысында түлектер жақсы дайындалғандықтан, жұмыстары жоғары бағаланды. МАК комиссиясының шешімімен бітірушілерге «5В011000-Физика» мамандығы бойынша білім бакалавры академиялық дәрежесі берілді.