1-ші курс докторанттарын аттестаттау

2020 жылы 9 маусымда Абай атындағы ҚазҰПУ Математика, физика және информатика институтының физика кафедрасы вебинар өткізді. Вебинарда 1-ші курс докторанттарының диссертациялық зерттеу тақырыптары бойынша 2019/2020 оқу жылында атқарылған жұмыстар туралы есептер тыңдалды.

Іс-шараға физика кафедрасының меңгерушісі Косов В. Н., кафедраның профессор-оқытушылар құрамы, сонымен қатар 1, 2, 3 курс докторанттары қатысты.

Докторанттардың диссертациялық жұмыстары аясында жүргізілетін ғылыми жұмыстардың нәтижелері мен перспективалары талқыланды. Орындалған жұмыс туралы есеп беру нәтижелері бойынша кафедра докторанттарды келесі курсқа ауыстыру үшін аттестаттауға шешім қабылдады.