Академик В.Н.Косовтың Тәжікстанға сапары: ғылыми ынтымақтастықты нығайту

2024 жылдың 17-19 желтоқсан аралығында Абай атындағы ҚазҰПУ физика-математика ғылымдарының докторы, профессор, Қазақстан Республикасы Ұлттық ғылым академиясының академигі Владимир Косов халықаралық сарапшылар тобының құрамына кіре отырып Тәжікстан Ұлттық ғылым академиясының ғылыми институттары және бөлімдерін аралап шықты. Сапар барысында Тәжікстан ғалымдарымен бірге бірлескен зерттеу жұмыстарының мәселелері талқыланды. Академик В.Н. Косовты Тәжікстан Ұлттық Ғылым Академиясының Президенті К.Х. Хушвахтзода өзі қабылдап, әңгіме барысында екі ел ғалымдары арасындағы ғылыми зерттеулерді бірлесіп жүргізу және достық қатынастарды нығайту туралы пікір алмасты.