Абай университетінің студенті Қазақ күресінен Әлем чемпионатында 3 орын иеленді

2025 жылдың 26-27 ақпаны аралығында Дели қаласында (Үндістан) қазақ күресінен ересектер арасындағы әлем чемпионаты өтті. Дүбірлі додада әлемнің 20-дан астам мемлекетінен 200-ге жуық балуан бақ сынады.

Екі күнге жалғасқан әлем чемпионатының бағдарламасына сәйкес, спортшылар (ерлер мен әйелдер) 16 салмақ дәрежесінде өзара мықтыны анықтады. Жарыста Абай атындағы ҚазҰПУ Дене шынықтыру және алғашқы әскери дайындық факультеті «Дене шынықтыру және спорт» мамандығының 4 курс студенті Гүлім Елубай 60 кг салмақта жеңістен көрініп, 3-орын, қола жүлдеге ие болды.

Студентімізді құттықтай отырып, алдағы жарыстарда сәттілік пен жеңіс тілейміз!