PhD дипломдары мен куәліктер табыстау рәсімі өтті

2025 жылдың 18 ақпанында Абай атындағы ҚазҰПУ-да диссертацияларын сәтті қорғаған PhD докторанттарға арналған салтанатты құттықтау іс-шарасы өтті.

Абай атындағы Қазақ ұлттық педагогикалық университетінде "8D015 - Жаратылыстану-ғылыми пәндері бойынша педагогтарды даярлау (6D010900/8D01501 - Математика, 6D011000/8D01504 - Физика)" бағыты бойынша философия докторы (PhD) дәрежесін беру үшін құрылған Диссертациялық кеңесте диссертациялық жұмыстарын сәтті қорғаған Капарова Р.М., Жансеитова Л.Ж., Батырбекова А.Ж., Есингельдинов Б.Т. докторанттарға философия докторы (PhD) дипломдары салтанатты түрде табыс етілді.

Жиынға Абай атындағы ҚазҰПУ Басқарма төрағасы - Ректор Болат Тілеп, Зерттеу қызметі және инновация жөніндегі проректор Ертай Сұлтан, Диссертациялық кеңес төрағалары, докторанттар мен Ғылым департаментінің қызметкерлері қатысты.