«Логарифмдік және көрсеткіштік теңдеулерді шешу» тәжірибе алмасу ашық сабағы

2025 жылдың 28 наурызында Абай атындағы ҚазҰПУ математика, физика және информатиканы оқыту әдістемесі кафедрасының п.ғ.к., қауымдастырылған профессор м.а. Мақпал Искакова «7М01501 - Математика» білім беру бағдарламасының 1 курс магистранттарына «Мектепте математикалық есептерді шығаруға үйретудің теориялық негіздері» пәні бойынша ашық сабақ өткізді.

«Логарифмдік және көрсеткіштік теңдеулерді шешу» тақырыбындағы ашық сабақта магистранттар логарифмдік және көрсеткіштік теңдеулердің шешу жолдарын тереңірек зерттеді. Сабақ барысында әртүрлі мысалдар мен тапсырмалар арқылы теориялық білімдерін практикада қолдану мүмкіндігіне ие болды. Магистранттар топтық жұмыстарда бір-бірімен ынтымақтаса отырып, өздерінің түсініктерін кеңейтті. Мақпал Искакова сабақта интерактивті элементтерді, мысалы, ойындар мен викториналарды ұсыну арқылы магистранттардың қызығушылығын арттырып, материалды жеңіл меңгеруіне көмектесті.

Нәтижесінде, магистранттар логарифмдік және көрсеткіштік теңдеулерді шешуде дағдыларын жетілдіріп, өз білімдерін нығайтты. Ашық сабаққа кафедраның профессор-оқытушылар құрамы қатысты.