«Абай мұрасы - руханият қазынасы» эссе байқауының бірінші кезеңі аяқталды

2025 жылдың 7 сәуірінде Абай атындағы ҚазҰПУ-да «Ұйғыр тілі мен мәдениетін қолдау орталығы» және И. Искендеров атындағы орта мектебінің қолдауымен Филология факультетіндегі шығыс филологиясы және аударма кафедрасы «Абай мұрасы - руханият қазынасы» тақырыбында эссе байқауын ұйымдастырды. Ұлы ақын Абай Құнанбаевтың 180 жылдығына орай өткізілген байқаудың бірінші кезеңі аяқталды.

Іс-шараның негізгі мақсаты - білім алушылардың ұлы ақын Абай Құнанбаев шығармашылығын терең меңгеріп, өз ой-пікірін жазбаша түрде еркін жеткізуіне жағдай жасау, сондай-ақ шығармашыл, креативті, сыни тұрғыдан ойлау қабілеті жоғары жастарды анықтау.

Байқауға Алматы қаласындағы ұйғыр тілінде оқытылатын мектептердің 11 сынып оқушылары мен Абай атындағы ҚазҰПУ Филология факультетінің « Ұйғыр тілі мен әдебиеті, ағылшын тілі» мамандығының 1-2 курс студенттері қатысты.

Эссе байқауында шығыс филологиясы және аударма кафедрасының меңгерушісі м.а. Қ.Т. Дүйсенова, к.ф.н., доцент Р. Арзиев, к.ф.н., аға оқытушы Х.В. Масимова және Алматы қаласының мектеп ұстаздары ф.ғ.к. Х. Хамраев, Р. Илиева, Р. Мухамметова білім алушыларға сәттілік тілеп, жылы лебіздерін білдірді.
Байқауға барлығы 30 білім алушы қатысып, өздерінің шығармашылық қабілеттерін танытты.