Foundation факультетінің студенттері доктор Захари Карабеллдің ашық лекциясына қатысты

Абай атындағы ҚазҰПУ Foundation факультетінің шетел азаматтарына арналған тілдік мамандықтар кафедрасы «Ағылшын тілі» мамандығының студенттері АҚШ-тың танымал сарапшысы, экономист, тарихшы және жазушы доктор Захари Карабеллдің «Globalization is Dead. Long Live Globalization» атты ашық лекциясына қатысты.

Лекция барысында доктор Карабелл жаһанданудың өзгерістері мен оның қоғам мен әлемдік экономикаға әсері туралы ой бөлісті. Студенттер үшін әлемдік деңгейдегі сарапшының пікірін тыңдап, пікір алмасуға бірегей мүмкіндік туды.

Қатысушылар дәріс барысында белсенділік танытып, ағылшын тілінде сұрақтар қойып, жан-жақты жауап алды. Іс-шара өте пайдалы және қызықты өтті, жаһандану мәселелеріне қатысты құнды ақпараттар берілді.