Scopus базасына ғылыми журналдарды енгізу процесі: стратегиялар және үздік тәжірибелер

«Ғылым апталығы - 2025» аясында 2025 жылдың 7 сәуірінде Абай атындағы Қазақ ұлттық педагогикалық университетінде белгілі ғалым, ғылым докторы, профессор Хусейн Узунбойлуның ғылыми семинары өтті.

Семинарда Scopus базасына ғылыми журналдарды енгізу үшін қажетті талаптар мен процедуралар, журналдардың рейтингін көтеру үшін қолданылатын тиімді стратегиялар, ғылыми журналдардың сапасын арттырудың үздік тәжірибелері сөз болды. Сондай-ақ ғылыми журналдардың халықаралық деңгейде танылуы үшін олардың редакциялық саясатын өзгерту, сапалы ғылыми мақалаларды жариялау туралы ұсыныстар айтылды