Мектеп және университет арасындағы байланыс нығайтылды

2025 жылғы 24 сәуірде Абай атындағы ҚазҰПУ Филология факультеті шығыс филологиясы және аударма кафедрасының оқытушылар құрамы Алматы облысы, Ұйғыр ауданы бойынша білім бөлімі «И.Искадеров атындағы орта мектебі» коммуналдық мемлекеттік мекемесінде іссапармен болды.

Осыдан 2 ай бұрын Абай атындағы ҚазҰПУ мен аталмыш мектеп арасында ынтымақтастық бойынша меморандумға қол қойылған болатын. Меморандум негізінде жоспарға сәйкес мектепте шығыс филологиясы және аударма кафедрасының филиалы ашылды. Іс-шара бүгінгі білім беру саласының талабына сай, өзара бірлескен ынтымақтастық және мамандарға қойылатын заманауи талаптарға сәйкес болашақ кадрлар даярлауға байланысты қызметтік кездесу ретінде есте қалды.

Іс-шара барысында мектеп мұғалімдеріне әдістемелік семинар өткізілді және 11 сынып оқушыларына кәсіби бағдар жұмысы жүргізілді. Шараны кафедра меңгерушісі м.а. Қарақат Дүйсенова, ф.ғ.к., доцент Руслан Арзиев, ф.ғ.к., аға оқытушы Элеонора Қансейітова, ф.ғ.к. аға оқытушы Халминам Масимова ұйымдастырды.

Жоспарланған шаралар жоғары деңгейде өтті.

Іс-шаралардың мақсаты - университет пен мектептер арасындағы қарым-қатынасты нығайту, мектеп мұғалімдеріне педагогикалық-әдістемелік қолдау көрсету және түлектерге кәсіби бағдар беру болып табылады.