Тоғызқұмалақтан Абай университеті құрамасы – ХІІІ жазғы Универсиада чемпионы!

2025 жылғы мамырдың 10-14 аралығында Түркістан қаласында тоғызқұмалақтан ХІІІ жазғы Универсиада жарыстары өтті. Жарысқа еліміздің 65 жоғары оқу орнынан командалар қатысты.

Аталған сайыста Абай атындағы ҚазҰПУ командасы университеттер арасынан топ жарып, 1 орынды иеленді. Команда құрамы - Ақерке Тұрсынәлі, Аяна Исахан, Нұрай Ғаниқызы, Аружан Куатова, Забира Сәрсенбаева.

Жекелей чемпионатта Ақерке Тұрсынәлі 1 орынды иеленіп, алтын медальмен марапатталды.

Қола медальдар (3 орын) - Аяна Исахан, Ердаулет Жанабилов.

Жаттықтырушы - аға оқытушы Мира Иралина.

Жеңімпаздарды ҚР Ғылым және білім министрі Саясат Нұрбек құттықтады. Чемпиондарымызды кезекті жеңістерімен шын жүректен құттықтаймыз!