«Директор-жаңа формация көшбасшысы» курсы аяқталды

Жоба әзірлеушілері (ЖРН АР 23488334): Шолпан Колумбаева, Марфуга Абсатова, Шыңғыс Нұрланов, Айгүл Ноғаева Семей қаласы мен Абай облысы мектептерінің басшыларына арналған «Директор - жаңа формация көшбасшысы» біліктілікті арттыру курсын аяқтады. Модульдік бағдарлама 2025 жылдың сәуірі мен маусымы аралығында ұйымдастырылды (онлайн-офлайн форматта).

Жоба орындаушысы Шыңғыс Нұрланов көшбасшылық дағдылар негізінде көшбасшы директорлардың табысты үлгілерін дамытуға назар аударды, профессор Марфуг Абсатова топтық жұмыста цифрландыру жағдайында инновациялық ғылыми жобаларды іске асырудың жолдары мен құралдарын талдауға тырысты, профессор Шолпан Колумбаеваның жетекшілігімен курс қатысушылары мектептердің кәсіби даму бағдарламаларын сәтті қорғады. PhD докторы, психолог Айгүл Ноғаева арнайы таңдалған психологиялық жаттығулар, тренингтер негізінде мектеп басшыларының көшбасшылық дағдыларын дамытуға тырысты.

Бағдарламаға сәйкес нетворкинг және «Parasat Almaty» мектебінің табысты басшысы Аслан Хамзамен сессиялық кездесу өткізілді, онда басшы басқару тәжірибесімен бөлісті.
Өз сөздерінде курс қатысушылары курстың тәжірибеге бағдарланған бағытын атап өтті, сондай-ақ университет пен мектептердің одан әрі ынтымақтастығының перспективалары талқыланды.

Курс ұйымдастырушылары «№ 50 Жалпы орта білім беретін ІТ мектеп-лицей» КММ әкімшілігіне оқытуға ұсынған аудиториялар үшін алғыстарын білдірді.