қазақша · русский · english
 
 
 
21.04.2020

Мектепке дейінгі білім беру және әлеуметтік педагогика кафедрасы толығымен қашықтан оқытуға көшті


​Елімізде болып жатырған төтенше жағдайларға​ байланысты Қазақстан Республикасының Президенті Қасым-Жомарт Тоқаевтың Жарлығымен Қазақстандағы барлық жоғары оқу орындары коронавирустық індеттің жайылуын болдырмау мақсатында қашықтан білім алу (онлайн-білім беру) жүйесіне толық көшкен болатын.


​Осыған байланысты Абай атындағы Қазақ ұлттық педагогикалық университетінің ректоры Такир Балықбаевтың университеттің барлық құрылымдық бөлімшелері жұмысының жаңа форматына көшуі туралы өкіміне сәйкес Педагогика және психология институты​ мектепке дейінгі білім беру және әлеуметтік педагогика кафедарсының профессор-оқытушылар ұжымы заманауи сын-қатерлерге толығымен бейімделіп, MOODLE, ZOOM, GOOGLE MEET, SKYPE, KAHOOT, WHATSAPP, MAIL.RU, GOOGLE CLASSRROOM​ және т.б. платформаларын жан-жақты игеріп, қазіргі қашықтан білім беру жүйесінде қолдануда.


​Кафедрамыздың профессор-оқытушылары магистрант және студенттерімізбен бірлесе белсенді түрде әртүрлі форматта вебинар сабақтарын, видеодәрістер, тәрбие сағаттарын, сонымен қатар Абай Құнанбаевтың 175 жылдығына орай түрлі онлайн іс -шараларын өткізуде. Бекітілген сабақ кестесіне сәйкес Moodle платформасында семинар, СӨЖ, СӨОЖ, аралық бақылау жұмыстарын тексеріп, Zoom, Google Meet жүйелері арқылы онлайн-дәрістер, вебинарлар және видеоконференцияларды жоғары дәрежеде өткізіп, бағаларын «Univer» жүйесіне уақытылы қойып отыр.


​Ал студенттер мен магистранттар бекітілген кестеге сәйкес аралық бақылауға дайындықты үзбей, қашықтан білім берудің заманауи технологиялары мен артықшылықтарын белсенді түрде орасан зор қызығушылықпен қабылдап, меңгіріп алды. ​Алдағы уақытта көктемгі сессияға деген дайындықтар жүргізу, білімгерлердің онлайн форматта өтетін емтиханға деген дайындығын ұйымдастыру және оның ережелерімен таныстыру, Университетіміздің «Адалдық» кодексінің сақталуын қадағалау мақсатында эдвайзерлік сағаттар өткізілуде.

 

   

 

   

 

    




Кері оралу