«Келешекке бастар жол» тренинг-семинары

2021 жылдың 21 қарашасында Алматы облысы, Қаскелең қаласының Қаскелең гуманитарлық-техникалық колледжінде «Келешекке бастар жол» тақырыбында тренинг-семинар өтті. Семинар қатысушылары Қаскелең гуманитарлық-техникалық колледжінің бітіруші топ студенттері мен колледж ұстаздары. Семинарды жүргізуші: Абай атындағы Қазақ ұлттық педагогикалық университеті Педагогика және психология институтының Маркетинг бөлім жетекшісі Бауыржан Жанкушков.

Іс-шараның мақсаты - педагогикалық мамандықтарды кеңінен насихаттау, педагогикалық жұмыстың беделін көтеру, жоғары оқу орнына түсуге ниет білдірушілерді қажетті ақпаратпен қамтамасыз ету. Тренинг-семинар case-study, коучинг технологиясы, SWOT-талдау, оқытудың интербелсенді әдістері арқылы өткізілді. Студенттер өздерін қызықтырған сұрақтарға жауап алып, өз ризашылықтарын білдірді.