Танымдық кездесу: «Студент, сессияға дайынсың ба?»

2024 жылдың 5 желтоқсанында Абай атындағы ҚазҰПУ Педагогика және психология факультет деканатының ұйымдастыруымен 1-курс студенттеріне арналған «Студент, сессияға дайынсың ба?» атты танымдық кездесу ұйымдастырылды.

Кездесу барысында қысқы сессия емтихандарын тапсыру туралы айтылды. Сондай-ақ емтихан түрлеріне жеке-жеке тоқталып, түсіндірме жұмыстары жүргізілді. Кездесу спикерлері - Жаухар Тулеумуратова мен Жансая Жеткергенова студенттерді мазмұнды презентациялармен таныстырды.

Кездесуде білім алушылар қысқы сессия емтихандарының өту барысы жайлы туындаған сұрақтарын қойды. Студенттердің сұрақтарына деканның оқу ісі жөніндегі орынбасары Ақтоты Ақжолова тиісті жауаптар беріп, кездесуді қорытындылады.