Абай атындағы ҚазҰПУ бірінші курстары студенттер қатарына қабылданды

2018 жылдың 1 қарашасы Жамбыл атындағы Қазақ мемлекеттік филармониясының ғимаратында Абай атындағы ҚазҰПУ-нің бірінші курс студенттеріне арналған «Студенттер қатарына қабылдау» жаңа оқу жылының жарқын оқиғасы өтті.

1928 жылы негізі қаланған Абай атындағы Қазақ ұлттық педагогикалық университеті - Қазақстанның ең ірі және жетекші университеті, ұлттық педагогикалық ғылым мен мәдениет орталықтарының бірі. Болашақ педагогтар үшін тұңғыш педагогикалық оқу орынында білім алу - бұл үлкен құрмет және жауапкершілік.

Салтанатты шараға бірінші курс студенттері, педагогика және бастауыш білім беру әдістемесі кафедрасының оқытушылары, тәрбие жетекшілері - Айгүл Сафарғалиева және Бауыржан Жанкушков қатысты.