қазақша · русский · english
   
  Главная  Новости
20.11.2017

Филология ғылымының болашағы


2017 жылдың 18 қарашасында Филология және көп тілді білім беру институтының орыс тілі мен әдебиеті кафедрасында студенттер мен магистранттардың 72 ғылыми конференциясы өтті.
Конференцияның пленарлық отырысы «Әдебиеттану» мамандығының 1 курс магистранты Анастасия Белоусованың тамаша баяндамасымен басталды.
Конференция шеңберінде бес секция жұмыс істеді: лингвистика, әдебиеттану (бакалавриат); «Лингвистиканың өзекті мәселелері» және «Әдебиеттанудың өзекті мәселелері» секциялары (магистратура). Биыл кафедраның дәстүрлі секцияларының  жұмысына  жаңа «Мектеп оқушыларының кіші академиясы» атты секция қосылды, онда Алматы қаласындағы химия-биология бағытындағы Назарбаев Зияткерлік мектебінің  және қаланың басқа да мектептерінің жоғары сынып оқушылары баяндама жасады.
Жас зерттеушілердің баяндамалары аудиторияның шынайы қызығушылығын тудырды, өйткені олардың тақырыбы заманауи филологияның маңызды аспектілерін және филологиялық пәндерді оқыту әдістерін көрсетті. Баяндамашылар қазіргі заманғы тілдің лингвистикалық құбылыстарын зерттеу үшін өнер туындыларын өз бетінше талдау мүмкіндігін көрсетті. Мектеп оқушыларының баяндамалары өз авторларының қызықты тақырыптарымен ғана емес, сонымен қатар өз көзқарастарын еркін білдіруге және ғылыми пікірталасқа қатысу мүмкіндігімен ерекшеленді.
Конференция орыс тілі мен әдебиеті кафедрасының меңгерушісі, профессор Сауле Джунусовна Абишеваның баяндамашыларды құттықтау сөзімен аяқталды. Сауле Джунусовна конференцияға қатысушыларға естелік сыйлықтар, сондай-ақ «Мектеп оқушыларының кіші академиясы» жас қатысушыларына сыйлықтар мен алғыс хаттар табыс етті.