Халықаралық ынтымақтастықтың жаңа көкжиектері: Абай университетінің оқытушысы Чунцин Сычуань Шет тілдері университетінде (Қытай)

Абай атындағы ҚазҰПУ Филология факультеті орыс тілі мен әдебиеті кафедрасының оқытушысы Бақыт Смағұлова Чунцин Сычуань Шет тілдері университетінде (SISU) (Қытай) ресми іссапармен болып қайтты.

Жұмыс сапарының мақсаты - білім беру саласындағы халықаралық ынтымақтастықты кеңейту, академиялық байланыстарды нығайту және бірлескен ғылыми бастамаларды дамыту болды.

Сапар аясында Қазақстан, Қытай, Лаос, Малайзия, Мьянма, Таиланд, Вьетнам, Сингапур және Индонезия өкілдерінің қатысуымен халықаралық кездесу өтті. Қатысушылар өзара іс-қимылдың келесі негізгі бағыттарын талқылады: білім беруді, мәдени алмасуды, академиялық ұтқырлықты, цифрлық технологияларды дамыту және оқу процесінде жасанды интеллектіні пайдалану.

Іссапар барысында оқытушы Chinese Government Scholarship (2025-2026) бағдарламасына ерекше қызығушылық танытты, ол магистратура мен докторантураны толық қаржыландыруды, соның ішінде оқу ақысын, сол елде тұруды, медициналық сақтандыруды және ай сайынғы стипендияны қамтиды.

Сапардың жеке пункті Бақыт Смағұлованың Сычуань Шет тілдері университеті орыс тілі институты деканының орынбасары Шао Наньси ханыммен кездесуі болды. Жоғары оқу орындары арасындағы ынтымақтастықтың перспективалық бағыттары талқыланды: бірлескен білім беру бағдарламаларын әзірлеу, оқытушылар мен студенттердің академиялық ұтқырлығы, бірлескен ғылыми зерттеулер жүргізу, қос дипломды білім беру бағдарламаларын іске асыру.

Сапар өңірлік әріптестікті нығайту, тілдік және мәдени алмасуды ілгерілету, сондай-ақ «Бір белдеу-бір жол» бастамасы мен RCEP келісімі шеңберінде білім беру бастамаларын интеграциялау жолындағы маңызды қадам болды.