SciVal ғылыми-аналитикалық платформасы бойынша тренинг-семинар өтті

2025 жылдың 11 - 18 қыркүйегінде Ғылым департаменті ұйымдастыруымен SciVal ғылыми-аналитикалық платформасы бойынша тренинг-семинарлар өтті. Іс-шараға Сорбонна - Қазақстан институтының оқытушылары мен қызметкерлері, сондай-ақ Дене шынықтыру және бастапқы әскери даярлық факультеті, Филология факультеті және Өнер факультетінің өкілдері қатысты.

Семинар барысында қатысушылар SciVal платформасының мүмкіндіктерімен танысты. Платформа ғылыми деректерді талдау және зерттеу бағыттарын іздеу үшін қуатты құралдарды ұсынады. Сонымен қатар, SciVal-ды шетелдік ғалымдарды және жоғары сілтемеленген авторларды табу үшін пайдалану тәсілдеріне ерекше назар аударылды. Бұл халықаралық серіктестіктер орнату және ғылыми жобаларды алға жылжыту үшін маңызды.

SciVal платформасы зерттеушілерге тек жарияланымдар мен сілтеме жасалуын талдауға ғана емес, сонымен қатар ғылыми коммуникация стратегияларын құруға мүмкіндік береді, осылайша халықаралық ғылыми ортада тиімді ынтымақтастықты қамтамасыз етеді.