«Абай оқулары: Еуразиялық кеңістіктегі Қазақстан мәдениетінің тарихы мен болашағы» атты VII Халықаралық ғылыми семинары

2025 жылдың 27-28 маусымында Польша Республикасындағы Қазақстан Республикасы Елшілігінің қолдауымен Слупск қаласындағы Помор университеті және Абай атындағы Қазақ ұлттық педагогикалық университеті Абай Құнанбаевтың 180 жылдығына және Абай атындағы ҚазҰПУ мен Слупскідегі Помор университетінің екіжақты қатынастарының 10 жылдығына арналған «Абай оқулары: Еуразиялық кеңістіктегі Қазақстан мәдениетінің тарихы мен болашағы» атты VII Халықаралық ғылыми семинар өтеді.

Жұмыс тілдері: поляк, қазақ, орыс, ағылшын.
Сөйлеу регламенті: 10-15 минут
Өтінім беру мерзімі: 2025 ж. 20 маусымына дейін
Өтінім беру үшін электрондық пошта: abaicentrum@upsl.edu.pl

«Абай оқулары: Еуразиялық кеңістіктегі Қазақстан мәдениетінің тарихы мен болашағы» халықаралық ғылыми семинары Слупск қ. (Польша) Помор университеті Неофилология кафедрасындағы Абай атындағы Қазақ мәдениеті және ғылымы орталығында өткізілетін жыл сайынғы іс-шара. Орталық 2019 жылы 23 мамырда құрылды. Оның негізгі міндеттері поляктар мен қазақстандықтар арасындағы мәдениетаралық өзара әрекеттерді кеңейту, сондай-ақ ғылыми ынтымақтастықты нығайту: семинарлар мен басқа да іс-шараларды ұйымдастыру.

Семинарлар Орталық ашылған күннен бастап жыл сайын өткізіледі. Бұл шара - Польшадағы Абай Құнанбаевқа және Қазақстан мәдениетінің басқа да өкілдеріне арналған ғылыми іс-шара топтамаларының бірі. Абай - XIX ғасырдың екінші жартысындағы көрнекті қазақ ақыны, философы, композиторы және ағартушысы. Оны «қазақ әдебиетінің атасы» деп те атайды. Оның тұлғасы мен шығармашылығы «Абай оқуларында» жан-жақты зерттеледі.

Семинар тақырыбы Абайдың шығармашылық мұрасын зерттеумен шектелмейді. Ол сондай-ақ Қазақстанның көпұлтты мәдениетінің түрлі қырларын, мысалы, тарихты, әдебиетті, музыканы, дәстүрлерді қамтиды. Көпұлтты Қазақстанның мәдени және этникалық алуан түрлілігі мен әртүрлі мәдениеттердің өзара әрекеттестігі айтарлықтай маңызға ие. Семинар шеңберінде Қазақстан Республикасының мәдени және қоғамдық өмірінде болып жатқан өзекті мәселелерді, оның ішінде қазіргі әдеби үдеріс ерекшеліктерін талқылауға болады.

Алдағы уақытта Помор университеті шаңырағындағы кездесулер Қазақстанның әдебиеті мен мәдениетіне және Абай Құнанбаевтың әлемдік мәдени кеңістіктегі рөліне қызығушылық танытқандар үшін жақсы дәстүрге айналады. Оған поляк және шетелдік жоғары оқу орындарының студенттері, магистранттары, докторанттары мен оқытушылары, сондай-ақ Абай Құнанбаевтың шығармашылығы мен Қазақстан мәдениетіне қызығушылық танытқандар шақырылады.

Жол жүру және тұру шығындарын қатысушылардың өздері немесе жіберуші тарап көтереді. Әрбір қатысушы атаулы сертификат алады.

Қатысуға арналған өтінім нысаны №1 қосымшада берілген. Студенттер өздерінің ғылыми жетекшісінің немесе тәлімгерінің (аты-жөні, ғылыми дәрежесі, жұмыс орны, лауазымы) деректерін көрсетуі қажет екендігіне назар аударамыз.

Семинарға қашықтықтан қатысу мүмкіндігі шектеулі, ал өтінімді қабылдау немесе қабылдамау Ұйымдастыру комитетінің ұсынылатын баяндама тақырыбының өзектілігі мен ғылыми жаңалығы негізінде қабылданатын шешіміне байланысты.