Өзін-өзі қабылдау және өзін-өзі болжау тұлғаның өзін-өзі дамыту механизмі

2020 жылдың 15 ақпанында Педагогика және психология институты мектепке дейінгі білім беру және әлеуметтік педагогика кафедрасының аға оқытушысы Долорес Нургалиеваның «5В012300-Әлеуметтік педагогика және өзін-өзі тану» мамандығының 4 курс (1 және 2 топ) студенттеріне «Өзін-өзі қабылдау және өзін-өзі болжау тұлғаның өзін-өзі дамыту механизмі» тақырыбында интерактивті дәріс өтті.

Болашақ мамандардың өзін-өзі тану және өзін-өзі дамыту технологиялары мен заманауи теориялары туралы ақпарат айтылды. Дәріс барысында студенттер күрделі теориялық мәселелерге назар аударды. Пікір таласқа арналған сұрақтар ұсынылып, дәлелдемелерді келтіру және талдау арқылы белгілі бір ұғымдарды қалыптастырды.

Дәріскер студенттерге педагогикалық қолдау көрсете отырып, талқылау арқылы мұғалімнің кәсіби қызмет барысында өзін-өзі жүзеге асыруының нәтижелерін, яғни өзін-өзі анықтау келешегін түсініп, болжай білу, сондай-ақ жұмыс барысында қазіргі заманғы жағдайларға сәйкес туындайтын моральдық және рухани құндылықтар тұрғысынан әлеуметтік мәселелерді талдау және қабылдау жолдарын қарастырды.

Дәріс барысында студенттердің зияткерлік қабілетін шыңдау барысында «Ассоциограмма әдісі», «Оқиға картасы», «Өзін-өзі бағалау деңгейі», «Рефлексия пирамидасы» әдістері қолданылды.