қазақша · русский · english
 
 
 
19.02.2020

Семинар және семинар практикумды өткізу жолдары мен формалары

 

2020 жылдың 17 ақпанында Педагогика және психология институты Мектепке дейінгі білім беру және әлеуметтік педагогика кафедрасында университет профессоры Ақсауле Манкеш «Мектепке дейінгі оқыту және тәрбиелеу» мамандығының 4 курс студенттеріне «Семинар және семинар практикумды өткізу жолдары мен формалары» тақырыбында ашық сабақ өткізді.


Ашық сабақтың мақсаты жаңартылған білім мазмұны негізінде мектепке дейінгі ұйым әдіскерінің жұмысты жаңаша формада жүргізуі. Ашық сабақ «Тілдің дыбыстық мәдениеті» және «Дәстүрлі емес технологиялар арқылы сурет салу» деген тақырыпта екі топпен жүргізілді. Сабаққа студенттер үлкен қызығушылықпен, белсенділікпен қатысып, өзерінің институт қабырғасында 4 жыл бойы алған білімдерін көрсетіп, «Бірлігі жарасқан ұжымбыз» деген топтық ойын ұйымдастырды.


Сабаққа қатысқан оқытушылардың пікірінше семинар сабағы өз мақсатына жетті. Оқытушы өзінің креативті маман екенін көрсете білді. «4К моделі» бойынша әдіскердің бойында болу керек қасиеттер талданды. Семинар жоғары деңгейде деп бағаланып, кафедра ұжымы ұсыныстары мен пікірлерін білдірді. 

 

   

 

   

 

   




Кері оралу