Тәрбиешілер күні тойланды

27 қыркүйекте елімізде мектепке дейінгі мекеме қызметкерлері күні атап өтіледі. Мерекеге орай 2024 жылдың 27 қыркүйегінде Абай атындағы ҚазҰПУ  «6В01204-Мектепке дейінгі білім беру (IP)» мамандығының 1-3 курс студенттері арасында мәдени-танымдық іс-шара өткізілді. Салтанатты мерекелік шара студенттердің өз мамандығына деген қызығушылығын арттыру мақсатында ұйымдастырылды. «Тәрбие-тал бесіктен басталады» тақырыбындағы мерекелік іс-шарада студенттер өз өнерін ортаға салды. Қойылым қойып, әннен шашу шашты.

Іс-шара аясында білім алушылар мектепке дейінгі білім беру саласындағы педагог-тәрбиеші мамандығының қыр-сырымен танысты. Болашақ маман иелері өздерін жан-жақты, креативті кәсіби тәрбиеші ретінде  көрсете алды.