Денсаулық – болашақ бақытты өмірдің кепілі

2025 жылғы 3 сәуірде Абай атындағы ҚазҰПУ-дің мектепке дейінгі білім беру және әлеуметтік педагогика кафедрасында «Денсаулық - болашақ бақытты өмірдің кепілі» тақырыбында дәріс ұйымдастырылды. Іс-шараға 6В01801 - Әлеуметтік педагогика және 6B01201 - Мектепке дейінгі тәрбиелеу және оқыту мамандықтарының 1-4 курс студенттері, магистранттар мен докторанттар қатысты.

Дәрісті Қазонкология және радиология ғылыми-зерттеу институтының эксперт дәрігері, медицина ғылымдарының кандидаты Арайлым Серікқалиқызы Аккасова жүргізді.

Дәрістің негізгі мақсаты - қыздар мен әйелдердің денсаулығын сақтаудың маңыздылығын түсіндіру, әйелдердің физиологиялық және психологиялық өзгерістері жайлы кешенді білім беру, сондай-ақ қатерлі аурулардың алдын алу шаралары туралы ақпараттандыру болды. Сонымен қатар, қатысушыларды өз денсаулығына жауапкершілікпен қарауға шақыру көзделді.

Дәріс барысында тыңдаушылардың сұрақтарына жауаптар беріліп, медициналық және гигиеналық кеңестер ұсынылды. Іс-шараның қатысушылары тақырыпқа қызығушылық танытып, ашық пікір алмасу барысында жаңа пайдалы мәліметтер алды.

Іс-шараны ұйымдастырушы кафедра меңгерушісі, педагогика ғылымдарының кандидаты, профессор Ұлболсын Қыяқбаева мен профессор-оқытушылар құрамы Анар Алимбекова және Асем Булшекбаева болды.