Абай университетінің студенттері XVII Республикалық пәндік олимпиадада 3 орынға ие болды

2025 жылдың 22 мен 23 сәуірінде Қорқыт Ата атындағы Қызылорда университетінде «6В01202-Мектепке дейінгі оқыту және тәрбиелеу» білім беру бағдарламасы бойынша «Мектепке дейінгі білім беру тәжірибесіндегі ұлттық құндылықтарды қолдану ерекшеліктері» атты ХVІІ Республикалық пәндік олимпиадасы өтті. Республика бойынша он екі ЖОО-ның студенттері сынға түскен олимпиадаға Абай атындағы ҚазҰПУ-дан «АВАІ Stars» тобы қатысты.

Командалық есепте «Abai Stars» командасы 3-ші орынға ие болып, Қорқыт Ата атындағы Қызылорда университеті Басқарма төрағасы - ректор Бейбіткүл Кәрімованың арнайы дипломымен марапатталды.

Жетекші - мектепке дейінгі білім беру және әлеуметтік педагогика кафедрасының философия докторы (PhD) қауымдастырылған профессор м.а. Ғалия Абилбакиева.