«Диссертациялық зерттеулерді орындауға қойылатын ғылыми талаптар және этикалық сараптамадан өту ережелері»

06.11.2025 жылы педагогика ғылымдарының кандидаты, профессор А.К. Айтпаева «Мектепке дейінгі білім беру және әлеуметтік педагогика» кафедрасының «8D01201-Мектепке дейінгі оқыту және тәрбиелеу» білім беру бағдарламасының докторанттарына арналған «Диссертациялық зерттеулерді орындауға қойылатын ғылыми талаптар және этикалық сараптамадан өту ережелері» тақырыбында әдістемелік семинар ұйымдастырды.  

Семинардың мақсаты - диссертациялық зерттеулердің теориялық және практикалық тұрғыдан тиімділігін арттыру.

Семинардың міндеттері: диссертацияны жоспарлау, орындау және қорғау процесіндегі ғылыми жетекшінің функцияларын анықтау немесе сипаттау.

Әдістері. 2025-2026 оқу жылындағы докторанттардың диссертацияларының контент-талдаулары мен сұхбаттарының нәтижелері.

Семинарға кафедра оқытушылары: педагогика ғылымдарының докторы, профессор А.Е. Манкеш және педагогика ғылымдарының магистрі, аға оқытушы Ж.Ж.Асанханова қатысты. Семинар барысында семинар тақырыбы бойынша ең өзекті мәселелер талқыланды.