Басты / Біз туралы / Университет құрылымы / «Қазақстан халқы Ассамблеясы» кафедрасы

Шаһарман Гүлжиһан Пішенбайқызы Қазақстан халқы Ассамблеясы кафедрасының меңгерушісі Филология ғылымдарының кандидаты, доцент, қауымдастырылған профессор Достық даңғылы, 13  8-701-610-75-93 shaharman-gp@mail.ru

Қазақстан Республикасының жоғары оқу орындарындағы Қазақстан халқы Ассамблеясы кафедралары - бұл этносаралық келісімді, мәдениетаралық диалог пен Қазақстан халқының ары қарай бірігуін сақтаудағы жоғары ғылыми әлеуетке ие, келешегі зор құрылым.

Абай атындағы Қазақ ұлттық педагогикалық университетінің Қазақстан халқы Ассамблеясы кафедрасы 2018 жылғы 23 мамырда құрылды.Қазақстан халқы Ассамблеясы мен Абай атындағы Қазақ ұлттық педагогикалық университетінің өзара түсіністігі мен ынтымақтастығы туралы Меморандумға қол қойылды. Қол қойған тұлғалар: ҚХА кафедралар Ассоциациясының төрағасы, э.ғ.д.,професссор А.А.Башмаков және Абай атындағы ҚазҰПУ ректоры, п.ғ.д., профессор Т.О. Балықбаев.

Қазақстан халқы Ассамблеясы кафедрасының құрылымы университеттің штаттық кестесімен анықталып, жұмысы ішкі нормативтік құжаттарына сәйкес жүргізіледі.

Кафедра меңгерушісі-ф.ғ.к., қауымдастырылған профессор Г.П.Шаһарман.

Ассамблея кафедрасы университеттің құрылымдық бөлімшесі ретінде әлеуметтік даму жөніндегі проректорының қарауында жұмыс атқарады. Кафедраның материалдық базасы тиісті деңгейде. Кафедраның саяси мазмұны ескеріле отырып, қажетті оқу-әдістемелік және ғылыми әдебиеттермен қамтылған.

Қазақстан халқы Ассамблеясы кафедрасының мақсаты:

- қоғамның одан ары бірігуіне, этноконфессионалдық қатынастарды үйлестіруге, этносаралық келісімді нығайтуға үлес қосу; этносаяси бағыттағы оқу-тәрбие және ғылыми-зерттеу жұмыстарын үйлестіру, қоғамдық келісімнің қазақстандық моделін насихаттаудың бірыңғай әдіснамалық және практикалық жолдарын ұсыну бағытында күш жұмылдыру.

Кафедраның қызметі мен міндетері:

- этносаралық, мәдениетаралық келісімдерді нығайту;
- мемлекеттік тілді меңгерудің жолдарын қарастыру -әлеуметтік фактор
- толеранттылықты ұстану;
- этносаяси бағыттағы оқу-тәрбие және ғылыми-зерттеу жұмыстарын үйлестіру;
- қоғамдық келісімнің қазақстандық моделін насихаттау;
- қоғамда кездесетін әлеуметтік қайшылықтарды шешуде оның ымыраға келу жолдарын қарастыру;
- әлеуметтік курстарды оқу процесіне енгізуге арналған оқу-әдістемелік құсқаулықтар әзірлеу;
- cтуденттердің «Бірлік» Ассамблеясына жетекшілік жасау.

Кафедра қызметінің негізгі бағыттары:

- оқу-әдістемелік бағыты;
- ғылыми-зерттеу бағыты;
- әлеуметтік және тәрбиелік бағыты;
- университетте этносаяси мәселелерді жүзеге асыруға бағытталған ақпараттық- түсініктеме жұмыстарын жүргізу.

Кафедраның өкілетті органдармен байланысы. Ассамблея кафедралары Қауымдастығымен, Қолданбалы этносаяси зерттеулер институтымен, Алматы қаласы және облыстық этномәдени бірлестіктерімен, Достық үйлерімен тұрақты түрде, жүйелі жұмыс жолға қойылған. ҚХА мүшелерімен бекітілген кесте бойынша қонақтық дәрістер өткізіліп тұрады. Кафедра университеттің барлық құрылымдық бөлімдерімен тығыз қарым-қатынаста жұмыс істейді. Атап айтқанда, Тәрбие департаментімен, жастар саясаты және әлеуметтік жұмыс бөлімдерімен көптеген істерді бірге атқарады. Ең бастысы, Студенттік «Бірлік» Ассамблеясының жұмыстарына жетекшілік жасайды.

Біздің университет студенттерінің ішінде жыл сайын 500-600-ге тарта 22-ден аса этнос өкілдері білім алады. Олардың бәрі дерлік Қазақстан халқы Ассамблеясының мәдениетаралық бірлестіктерінде, жастар ұйымдарында белсенді түрде жұмыс атқарады.

Абай атындағы ҚазҰПУ еліміз Тәуелсіздігін алғаннан бері мемлекетіміздің ұлттық саясатының басымдықтары мен негізгі бағыттарын жүзеге асыру үшін ұлтаралық келісім мен оны нығайту істерінде зор үлес қосып келеді.

Біз туралы ақпарат: Абай атындағы ҚазҰПУ ресми сайтында, instagram - @kaznpu__birlik

Кафедра туралы ереже

Жылдық жоспар (2023-2024)
Жылдық жоспар (2021-2022)

Жылдық жоспар (2020-2021)
Жылдық есеп (2021-2022)

Жылдық есеп (2020-2021)

Жылдық есеп (2019-2020)

Қазақстан халқы Ассамблеясы кафедрасының 2022/2023 оқу жылында атқарған жұмыстарының есебі

Қазақстан халқы Ассамблеясы кафедрасының 2021/2022 оқу жылында атқарған жұмыстарының есебі